व्हॅलेंटाईन डे…शेवटचा भाग

आज व्हॅलेंटाईन दिवस. सकाळपासून श्रीरंग अस्वस्थ होता. सकाळचं काहीही रूटीन फॉलो न करता तसाच बेड वर बसून होता. घड्याळात साडे दहा वाजले. ऑफिस मधून काही फोन आले. काही क्लायंट चे फोन त्याने अटेंड केले. पण काहीच करायचा मूड नव्हता त्याचा. इतक्यात अपूर्वाचा मेसेज आला –

अपूर्वा – Happy valentine’s day sir.

ते पाहून श्रीरंग ची आणखी चिडचिड झाली. पण त्याने शांत होत रिप्लाय केला.

श्रीरंग – तुलाही शुभेच्छा. ठरल का मग लग्न?

अपूर्वा – इश्य सर…अजून भेटलोय कुठे आम्ही? लंच ला भेटणार आहोत डेक्कन ग्रिल ला.

श्रीरंग – बरीच खुश दिसतेस.

अपूर्वा – माहीत नाही सर. पण टेंस नक्की आहे. पण ताई आणि जीजुंवर अवलंबून किती दिवस राहणार ना ? आणि हा मुलगा खरंच चांगला आहे. आय होप all goes well. Wish me luck sir.

श्रीरंग – बेस्ट ऑफ लक.

श्रीरंग ने फोन बेडवर फेकला आणि तो बाहेर आला. फोटो मधून स्वाती हसत असल्याचा त्याला भास झाला. तो फोटो समोर उभा राहून म्हणाला –

श्रीरंग – हसते आहेस ना? हस. तू गेलीस मला सोडून. मजा करत असशील स्वर्गात आणि माझ्या आयुष्याचा नरक झाला आहे त्याचं तुला हसायला येतंय. एक तू आहेस फोटो मध्ये बसलेली आणि एक ती आहे हातात राखी घेऊन उभी. इकडे आड तिकडे विहीर…श्या…

अस म्हणून त्याने चिडून त्या रनर वर जोरात गुद्दा मारला. तो मारल्यावर तिथे असलेलं एका एअर लाईन ने त्याला दिलेलं विमानाचं मॉडेल खाली पडल. ते उचलून परत रनर वर ठेवताना त्याला त्या एअर लाईन च काम आल्यावर ते घ्यावं की नाही ह्याबाबत स्वातीशी झालेली चर्चा आठवली.

श्रीरंग – नाही यार स्वाती…ह्यांचे बुक्स क्लिअर नाहीयेत. काहीतरी मोठा घोटाळा आहे. मी त्यांचं काम घेतलं आणि उद्या काही स्कॅम झाला तर माझ नाव खराब होईल.

स्वाती – श्रीरंग, हे तुझ assumption आहे. तू बोल की एकदा त्यांच्याशी. समजून घे काय आहे ते. तुला ज्या शंका आहेत त्या विचारून घे. मग निर्णय घे. जर तुला तरीही ते अयोग्य वाटले तर काम घेऊ नको. आणि ओके वाटले तर काम घे. त्यांच्या फी मधून आपली युरोप ट्रिप आणि एक २ बी एच के नक्की येतील. Never assume things.

स्वतीचे ते बोल आठवून श्रीरंग चे डोळे सताड उघडले. तो फोटोला म्हणाला –

श्रीरंग – येस स्वाती…मी अपूर्वा ला प्रपोज न करताच ती राखी बांधेल म्हणतोय. एकदा प्रपोज करायला पाहिजे. जास्तीतजास्त राखी बांधेल ना? कदाचित नाही बांधणार. होकार देईल. पण लग्न ठरत असताना मी अस मध्येच प्रपोज करणं योग्य आहे का?

स्वातीच्या चेहऱ्यावर आश्वासक स्माईल होत. श्रीरंग तसाच पटापट तयार होऊन डेक्कन ग्रिल कडे निघाला. तो पोहोचला तेव्हा एक तरुण मुलगा आणि अपूर्वा एका टेबलवर बसून हसत खेळत बोलत होते. मध्या आणि माधुरी दुसऱ्या टेबलवर आणखी एका वयस्क कपल बरोबर बोलत बसले होते. अपूर्वाला त्या पोराबरोबर पाहून श्रीरंग तिरमिरला. तो थेट अपूर्वा कडे गेला आणि म्हणाला –

श्रीरंग – अपूर्वा आय लव्ह यू. माझ्याशी लग्न करशील?

हे पाहून अपूर्वा, तो मुलगा, मध्या, माधुरी, ते कपल आणि हॉटेल मधील इतर लोक शॉक झाले .

श्रीरंग – मी काय विचारतोय अपूर्वा? माझ्याशी लग्न करशील का?

अपूर्वा ने त्याच्याकडे एक मिनिट न्याहाळून पाहिलं.

मुलगा – हे काय आहे अपूर्वा?

अपूर्वा – तुम्ही थांबा जरा. मी बघते.

अस म्हणून तिने पर्स मधून राखी काढून श्रीरंगच्या समोर धरली. श्रीरंग वरमला. समजायचं तर समजून गेला. त्याने डोळे पुसत आपला हात राखी साठी पुढे केला. अचानक अपूर्वाने त्याच्या बोटात अंगठी सरकवली. ते जाणवून श्रीरंग ने डोळे उघडले.

श्रीरंग – अपूर्वा अंगठी? म्हणजे?

मागून मध्या पुढे येत म्हणाला –

मध्या – आता एंगेज मेंट रिंग म्हणजे काय हे पण तुला सांगायला हव का रे रंगा? ही घे. तू पण अपूर्वाला अंगठी घाल.

श्रीरंग ने अविश्र्वासाने अपूर्वला अंगठी घातली.

मध्या – You may kiss the fiancee…बराच तुंबला आहेस म्हणून ही खास व्हॅलेंटाईन ऑफर.

श्रीरंग ल काही कळायच्या आधीच अपूर्वा ने त्याचा किस घेतला. जे घडतंय ते स्वप्न आहे अस वाटून त्याने अपुर्वाच्या उघड्या पोटाला चिमटा काढला. ती कळवळली.

अपूर्वा – सर दुखलं की हो.

श्रीरंग – मध्या हे नक्की काय आहे?

माधुरी – मी सांगते. तुम्ही आमच्या घरी येऊन मन मोकळं करून गेलात. आम्हाला अपूर्वा च मत जाणून घ्यायचं होत म्हणून आम्ही तुम्हाला काहीतरी खोटं सांगितल.

मध्या – अपूर्वा घरी आल्यावर तू जे म्हणालास ते आम्ही तिला सांगितलं.

अपूर्वा – सर मला तुमच्या डोळ्यात आणि वागण्यात प्रेम जाणवत होत कितीतरी दिवस. पण तुमची आणखी माहिती हवी होती. माझी माहिती द्यायची होती. आणि मुख्य म्हणजे स्वाती ताईंच मत जाणून घ्यायचं होत. तुमचं घर बघायचं आणि समजायचं होत. म्हणून मी त्या दिवशी तुमच्या घरी आले. तुम्हाला वाढलं. चहा केला. आपण एकमेकांशी मोकळेपणाने बोललो. आणि सर स्वाती ताईंच्या फोटोसमोर उभी राहून मी त्यांना विचारत होते की मी त्यांची जागा घेतलेली त्यांना चालेल का म्हणून.

माधुरी – आणि भावोजी स्वाती त्याच रात्री हिच्या स्वप्नात आली आणि हिला शालू भेट देऊन “ये माझ्या घरी. माझ्या श्रीरंगची काळजी घे असं म्हणाली.

ते ऐकून श्रीरंग च्या डोळ्यातून अश्रू वहात होते.

श्रीरंग – मग हा मुलगा बघायचा कार्यक्रम?

मध्या – ही ह्या अपूर्वाची आयडिया. तिने पैज लावली होती की हे नाटक केल्यास तू येऊन तिला प्रपोज करशील.

माधुरी – आणि आम्ही नाही म्हणत होतो. पण अपूर्वा जिंकली.

श्रीरंग अपूर्वकडे बघत होता. तिने राखी परत एकदा त्याच्या समोर धरली आणि त्या तिच्या बरोबर असलेल्या मुलाला बांधली.

श्रीरंग त्या मुलाला म्हणाला –

श्रीरंग – सॉरी यार…माझ्यामुळे तुला एका सुंदर मुलीकडून राखी बांधून घ्यावी लागते आहे.

माधुरी – ती तो दर वर्षी बांधून घेतो. हा अपुचा मामेभाऊ आहे. इथेच पुण्यात असतो. आमच्या नाटकात त्याला आणि ह्या त्याच्या ह्या आई वडिलांना आम्ही सामावून घेतलं. काय काम केलं आहे तिघांनी.

इतक्यात दिग्या आणि उत्तम सहकुटुंब आले.

दिग्या – काय रे रंगा. राखी की किस?

उत्तम – त्याचा चेहरा सांगतोय किस म्हणून.

मध्या – ए रंगा, चायला तुला मुलगी मिळाली, किस मिळाला आता इथे व्हॅलेंटाईन पार्टी च बिल तू द्यायचं.

श्रीरंग – चालेल.

अपूर्वा – चालेल काय चालेल? आमच्या ह्यांना अस नाही हा लुटायच. ते बिचारे भोळे आहेत म्हणून त्यांना बिल द्यायला लावता? उलट तुम्ही सर्वांनी बिल द्या आम्हा दोघांना त्रास दिल्याबद्दल.

माधुरी – घ्या..आतापासून बायको बोलू लागली आहे. आमची स्वाती अशी नव्हती.

अपूर्वा – मी अपूर्वा आहे स्वाती नाही. आणि जशी आहे तशी स्वाती ताई आणि ह्यांना पसंत आहे. बाकीच्यांना काय वाटत त्याची आम्हाला पर्वा नाही.

दिग्या – बर अपूर्वा ताई. हा तुझा दादा पार्टी देईल.

इतक्यात श्रीरंग मध्येच उठत म्हणाला –

श्रीरंग – अपूर्वा आपण जरा घरी जाऊया. स्वातीला ही गुड न्युज देऊया.

कोणी काही बोलायच्या आधी तो अपूर्वला हाताला धरून घेऊन गेला .

दिग्या – स्वाती वाहिनीच फक्त निमित्त आहे. रंगा आज व्हॅलेंटाईन जोरदार साजरा करणारं. चीयर्स फॉर रंगा आणि अप्पू.

सर्वांनी आपापले चषक एकमेकांना टेकवले. इथे श्रीरंग च्या बेडरूम मध्ये श्रीरंगच्या मांडीवर आरूढ झालेल्या अपूर्वा ने त्याच्या ओठांवर ओठ टेकले होते. बाहेर स्वातीच्या फोटोवर बाष्प जमा झालं होत पण तिच्या चेहऱ्यावर समाधानाचं हसू होत. ©मंदार जोग

समाप्त (© मंदार जोग)व्हालेंटाईन डे…भाग ५